Xanəli Kərimli. Şairin könül dünyası. Bakı, Qanun, 2021.

Görkəmli şair, “yeni dövr Azərbaycan şeirində vətəndaşlıq lirikasının əsas yaradıcılarından biri” (akad. İ. Həbibbəyli), ədəbiyyatşünas alim, pedaqoq, filologiya üzrə fəlsəfə doktoru Xanəli Kərimlinin anadan olmasının 70 illiyinə həsr olunmuş bu topluda onun ümumi yaradıcılığına, ayrı-ayrı kitablarına və əsərlərinə həsr olunmuş elmi məqalələr, şəxsiyyətindən bəhs edən publisistik yazılar, müxtəlif illərdə mətbuata verdiyi müsahibələr, qələm dostlarının yazdıqları ithaflar, məqalələrdən sətirlər və xəbərlər toplanmışdır. Bu materiallar ömrünün müdriklik dövrünü yaşayan müəllifin insan və yaradıcı kimi portretini tamamlamağa kömək edəcəkdir. Kitab çağdaş ədəbiyyatımızı araşdıranlar, magistrantlar və tələbələr üçün nəzərdə tutulmuşdur.