Ağayev Müstəqil. Azərbaycan ictimai fikrində milli məsələ (1917-1920 – ci illər). Bakı, Nurlan, 2007.

Monoqrafiya 1991-ci ildə hazırlanmışdır. Lakin "Müsavat" partiyasının və Azərbaycan Demokratik Respublikası hökumətinin fəaliyyəti müsbət planda verildiyi və təqdir olunduğu üçün nəşrinə icazə verilməmişdir. Indiki müstəqillik şəraitində milli dövlətçiliyimizin təşək kulündə mühüm rol oynamış milli məsələ haqqında o dövrdə mövcud olan fikir və mülahizələrın geniş oxucu kutlələrinə çatdırılmasını zaruri saydıq. O dövrdə milli məsələyə həsr edilmiş ilk tədqiqat işi olduğu və gərgin ideologiya mübarizələrinin getdiyi bir şəraitdə yazıldığı üçün, şübhəsiz, miləyyən xətaların olması da mümkündür. Ona görə də müəllif əsər haqqında özünün tənqidi və xeyirxah fikirlərini, mülahizələrini bildirən oxuculara qabaqcadan öz təşəkkürünü bildirir.