Allahmanlı Məhəmməd. Azərbaycanın Qərb bölgəsinin mənəvi mədəniyyətindən (tarixi-etnoqrafik tədqiqat). Bakı, , 2011.

Tarix elmləri üzrə fəlsəfə doktoru Məhəmməd Allahmanlının «Azərbaycanın Qərb bölgəsinin mənəvi mədəniyyətindən (tarixi-etnoqrafik tədqiqat) monoqrafiyası etnoqrafiya elminin on aktual və həlli vacib olan problemlərindən birinə mənəvi mədəniyyət probleminə həsr olunmuşdur. Monoqrafiyada ilk dəfə olaraq Qərb bölgəsinin Qazax və Ağstafa rayonlarından toplanmış çöl-etnoqrafik materialların elmi-etnoqrafik təhlili nəticəsində xalqımızın mənəvi mədəniyyətinin bir çox sahələri aşıq sənəti, el şairləri, bayatılar, atalar sözləri və məsəllər, nağıl və əfsanələr, xalq musiqisi, rəqslər, musiqi alətləri, oyun və əyləncələr, din, xalq bayramları (Qurban bayramı, Orucluq bayramı, Novruz bayramı), elm və maarif, xalq təbabəti, qonaqpərvərlik və s. tarixi-etnoqrafik tədqiqata cəlb olunmuşdur. Əsərdə Qərb bölgəsi əhalisinin mənəvi mədəniyyətinin formalaşması tarixilik və mədəni varislik prizmasından öyrənilmiş, onun təkamül və inkişaf mərhələləri dövrün sosial-siyasi, etnik-mədəni və təbii-iqtisadi amillərin fəal təsiri kontekstində araşdırılmışdır.