. Azərbaycanın təbiət və memarlıq möcüzələri. Kitab-albom. Bakı, Şərq-Qərb, 2015.

Nəşrdə Azərbaycanın füsunkar təbiət gözəllikləri: başı qarlı uca dağları, yaşıl meşələri, gur sulu çayları, səfalı yaylaqları, bərəkətli torpağı, barlı-bəhərli tarlaları, bağları haqqında məlumat verilmiş, rəngarəng təbiət mənzərələrinin çoxsaylı fotoları yerləşdirilmişdir. Azərbaycanın təbii-coğrafi bölgələrinin: Böyük və Kiçik Qafqaz dağlarının, Kür-Araz ovalığının, Naxçıvan və Lənkəranın insanı heyrətləndirən təbii möcüzələri ayrıca fəsillərdə oxuculara təqdim olunmuşdur. Nəşrdə həmçinin təbiət gözəllikləri ilə ahəngdarlıq yaradan memarlıq inciləri: sıldırım qayalar üzərində ucalan əzəmətli qalalar, möhtəşəm bürclər, sədlər, cümlədən zəngin, çoxcəhətli inşaat sənətimizi əks etdirən digər qiymətli tarixi-memarlıq abidələri: saraylar, məscidlər, türbələr, karavansaralar haqqında məlumatlar toplanmış, bu abidələrin fotoları əks etdirilmişdir.