Şövkət Zərin Horovlu. Arazdan gələn səs. Bakı, ŞUR, 2010.

Arazdan gələn səs oxucuların şair kimi tanıdığı, ondan artıq kitab müəllifi, istedadlı qələm sahibi Şövkət Zarin Horovlunun ilk böyük nəsri ilk romanıdır. Azərbaycan xalqının yerindən-yurdundan qovulması, zorla didargin salınması, erməni vəhşiliyı, erməni vandalizmi konkret bir rayonun timsalında, sənədli dəlil-sübutlar əsasında olduqca təsirli, amansız səhnələrlə, yanğılı, göynəkli bir dillə təsvir edilmişdir. Romandakı surətlər, personajlar bu xalqın haqqı danılmış, mənliyi əzilmiş, milli heysiyyəti tapdalanmış övladları ən çətin məqamlarda da ümidlə yaşayır, girovluqda qalan torpaqların ağrı-acısını ürəyində gəzdirə-gəzdirə sabahkı gündən qələbə sorağı gözləyir.